| ماتهاب 的个人资料˚◦ღ نجــديــة مــاتـهــا...日志列表 |  工具  帮助 |
|
8月11日 ˚◦ღ يــوم في حيــاتي ღ◦˚السلام عليكم ورحمة الله وبركاته
˚◦ღ يــوم في حيــاتي سيبقـى للأبــد عالق في مخيلتي ذكريات نجــاة ღ◦˚  كيفكم ياجماعه ؟  أدري المفروض تكون المقدمة ياهلا ويامرحبا وحياكم الله  اليوم في خاطري أخالف  أكتب شئ عاشته نجديـة  اليوم الأربعاء كان عندنا أستراحة لأختي المتخرجة من الكلية قولوا ماشاء الله ياجماعه العين حق  المهم أنبسطنا وجلسناوالحمدلله باقي بنات خالي اللي قريبين منا حيل  أن شاء الله يكونوا متابعين معاي على الخط وأنا أتكلم عن تجربتـي بقيني يالبنات وجلسنا في المسبح قعدنا نلعب شوي وأقدامنا بالماء كانت أعز صديقاتي نزلت لطرف المسبح وكانت الارضية تبعه قريبه وأنا كنت بجنبها بس كنت على أرضية الكبار يعني ... اللي يعرفون المسابح يفرقون زين  المهم نزلت لكن أكتشفت أن ماتحتي أرضية بنووووب وزلقت وتغيرت وضعيتي من فوق لتحت
 ضعت ماطلع إلا يديني وأشار يم البنات أبي أحد يساعدني وجهي بالماء ... لكن كل اللي كانوا معاي بنات مايعرفون للسبحة
نطت ماي بست فرند للمسبح بس أمسكوها أخوتها لأنها بغت تضيع معاي (( فديت قلبها مافكرت في نفسها ذاك الوقت قالت نجدية راحت وأنا معاها  ))ربي ألهمني أني أحرك يديني من المسبح شوي والحمدلله أرتفعت على سطح الموية وصرت أطلع الماء اللي بفمي لكن كنت أنزل وأرقى وأشوف العالم قدامي خايفة علي ولابيدها حيله خفت زيادة أمي شافتني بدون تفكير نزلت للماء قالت مابعدي حياة ياعالم  ونزلت لكن البنات مسكوها لأنها بغت تروح وشالوها عن الماء
كنت أطالعهم من بعيد وفي خاطري يطلعونها وأشار بيدي عليهم يعني مالكم فيني أهم شئ أمي أيه نعم طولت بالموية أحس  وطالعت وعيني يم أختي الكبيرة اللي متخرجة وعلشانها الحفله كانت تصارخ وتقول لي روحي
يم مدري حقت الانقاذ تذكرت أنها بعيده عني شفت طرحة تمدت يمي حاولت أوصل لها بس بشبة فاقده الوعي ألتفت كان أخوي الاصغر مني معاي في المسبحة عندو خبرة في السباحة تمشي الحال دفني على الطرحة لين مسكته والحمدلله بفضل الله علي ومن ثم مساعدة عمتي و أخوي عساني فداهم كان يوم ولا أصعب منه بس الحمدلله
.
.
.
.
.
.
.
.
评论 (40)
引用通告此日志的引用通告 URL 是： http://matahab0.spaces.live.com/blog/cns!F0334BA0634339B0!105.trak 引用此项的网络日志
|
|
|
